Tere har pehlu ki kya baat karu
Zindagi tu har baar kuchh naya dikhlati hai,
ik waqt pe to 7va aasmaan chhoo leta hu
ik waqt sharir se rooh nikal jaati hai,
Tere in rasto pe chalna hai mushkil
par namumkin nahi itna bhi tu sikhaati hai,
gham k saaye me palta hoon kabhi
kabhi khushiiyon ki roshni se rubroo karaati hai,
Tu Zindagi hai ya koi baazigar hai
Har baar koi nya kartab le k aati hai,
Kehne ko to har baazi teri hoti hai
par sare khel tu humse karvati hai,
Umr bhar tujhse jitne ki koshish me
baki har mauj pichhe chhoot jati hai,
tujhko haraakar bhi tera sath nahi rehta har dum,
aakhir maut hi humko aakar gale lagaati hai.
